Наконец-то мон ӵышкиськи - тусэн быдэсак воштӥськи. Парикмахер дорын пукыку

йырсие жаль потӥз вал, но сыӵе шӧдон чаляк ортчиз. Мон аслым шуи: " Мон ворми асме мукет

образэ выжыны, соин ик мон уг жаля, мон дышо, мон тазьы но чебер =)" Видимо, Венгриын

мон кышкай, но трос пӧртэм вакчи йырсиё нылашкаосты адӟыса, мон татын, Ижкарын,

каньылэн ӵышкиськи.

Тани, кыӵе реакциос вал : - Аняяяя! Ты теперь другая!!!!!! ааааа

                                            - Капец! Идет тебе )

                                            - Волосы не жалко было?

                                            - Ты постриглась? Как будто просто прибрала сзади

                                            - Аня ӵышкиськем=)

                                            - Анюта, зачеееем???

                                            - Вот мон азьло йырсиен представить кари, но али, но, малпасько,                                                     тазьы но туж чебер !

                                            - Непривычно! Но привыкнем!

                                            - Аня, тонэ уд тодма ни!

                                            - Туж чебер, Аня! Тыныд туж тупа)

Со вал наимилейшой фотосессия. Сокем кемалась мон фотое ӧй пуксьылы ни намеренно, профессионально. Соин ик ваньмыз ортчиз гань-гань. Йырси лэсьтӥсь вал Света, со йысиосмес пынӥз, но начёс пӧрмытӥз - воксё 70-тӥ аръёсысь кадь. Дӥсямы ӵыж-ӵыж выль вурем дэремъёс: мон - персик буёло, Таня - чагыр. Буяз милемыз Дарали ик ( солэн со усто пӧрме). Со вал nude стильын: ӵошкыт матовой ымныр, бамлыос вылын пичик румянаос но гордалэс ымдуръёс - номыр мултэсэс! Пӧрмиз мусо образ. Туспуктӥсьмы озьы ик мусо вал, егит но задор пияш. Туспуксьылӥмы ми Горькой нимо паркын, татын тупась пионеръёслы сӥзем скульптураос вань, пичи фонтан ( эшшо на "Сахарлы" матын).

Фотоос, малпасько, пӧрмизы!

Дарали, паймоно кадь, уно ӧз тышкаськы: "Мар сыӵе ымнырыд? Вошты позадэ? Что за банальной киос?"...

Киям пичи эше - сьод жук-брошка, чыртыям- куар тусо весь, дэрем вылам  - уйсы суредамын. Мон матын инкуазьлы, та гужемлы но эриклы! =)

КОНФЕРЕНЦИЯ

               Нош ик ортчиз УдГУ-ын тодослыко конференция. Милям факультетамы но со конечно

же радъямын вал: отчы пыриськизы студентъёс но куд-ог дышетскисьёс, кудъёсыз асьсэлэн

ёросъёсазы вормисе потӥзы. Озьыен мон ачим но пыриськи, докладме лыдӟи "Литература"

секциын.

              Мар верано школьникъёс сярысь, то соос туж умой дасяськемын вал. Докладзэс лад-

лад дышетӥллям, куддыръя гинэ учкылӥзы кагаз шоры, но яркыт презентациос лэсьтӥллям.

              Мыным кельшиз, кызьы вераськизы Шаркан ёросысь 2 нылашкаос, но мынам но кӧты

ӝож луиз, куке жюри одӥгезлы нылашлы инты ӧз сёты. Бен, 3 гинэ инты сётыны луэ, но, мон

понна, со сыӵе ик вормись луиз.

             Та пумысен нылашлэн дышетӥсезлэн но йырыз кур луэм. Мон соглаш луисько, зэм,

студентъёслэн азьтэмлыксы трос, но мае со вераз, со ваньмыз шонер. Тани солэн кылъёсыз: "Тӥ

вуоно дышетӥсьёс, тӥледлы угось одӥг кыл шедьтоно кулэ луоз аудиториен, огазеяны соосты

одӥг ӧре, контакт-герӟет кулэ шедьтыны аудиториен, нош мар тӥ али потӥды листокен но

быдесак тазьы учкыса лыдӟиды докладдэс. Таӵе нунал одӥг пол арлы луэ, но кыӵе ке

торжественность но кулэ кадь луыны, нош тросэз со "джинсыосын" лыктэмын. Кытын дӥськут

культура? Ну, кин дэремен, юбкаен вал соос шоры ведь учкыны но кыӵе приятно вал. Тӥ -

студентъёс, визьмаськоно ни, дыр, !" 

ГОРД

Горд - со венгер нылаш. Зэмос нимыз тодмотэм, кулэ но ӧвӧл.

Горд дышетске мадьяр вылӥ дышетсконниын астрология факультетын. Ачиз Будапештысь 

ӧвӧл, палэнысь вуэмын. Солэн пияшез вань. Соослэн выросъёссы туж мусо пото мыным:

писейёс сямен верасько, "Мурр, мурр" шуо ог-огзылы.

Горд - тыршись, шаплы нылаш, но чылкытлыкез уггес вала : (

Со бертэ дышетсконэз бере, кизэ уг миськы Будапешт урам бере, лэзе ноутбуксэ, пыдкышъёссэ

уг кушты( изён азяз гинэ куштэ), кутэ сиёнзэ но пуксе ноутбук азе. Но... озьы ик быдэс ӝытэз

солэн ортче. Со яратэ шудыны эшшо ыбылӥськон компьютер шудонэн. Мыным сыӵе бускеле

жаль потэ. Сыӵе улон амал понна, дыр, валесаз урбоос но потӥзы. Мискинь нылашлэн вань

киосыз куртчылэмын вал. Со туж урмемын вал ини пичи "паразитъёс" понна. Зар-зар бӧрдэмез

но вань =( Нимысьтыз ужасьёс но ядэн пазязы комнатаез урбоосыз быдтон понна. Жаляса

верано, копак ӧз быре "животъёс". Собере Горд валессэ воксё поттӥз комнатаысь, выль валес

басьтӥз. Табере улонэз но тазалыкез капчигес луиз, малпасько.

Пичи ке но визь пыриз, дыр, йыраз Горд эшелы. Али, оскисько, улонэз яркытгес луиз =) 

*П У З К А Р*

         Ура! Потӥз кыкетӥ удмурт кино - нош ик выль вормон удмуртлык понна.
Ӵошатоно ке нырысетӥ киноен, таяз ужпумъёс золгес но яркытгес адӟисько. Самой валтӥсь

ужпумъёс, кудъёссэ бергатыны тыршо али удмуртлык понна висисьёс. Нырысь ик удмурт кылэз утён, но со мыскылляса сётэмын школа сярысь сюжетын: удмурт кылъя информационной курсъёс, со так, ним гинэ, зэмзэ чик но ӧвӧл номыр радъямын. Мукетыз, малы егит дышетӥсьёс уг мыно школае ужаны. Ачим мон валаны кутски ини, макем узыр асьмелэн удмурт кылмы, сое утён, калык пӧлы вӧлмытон, пичи дыдыосты солы дышетон - со туж кулэ луись уж. Али дыре со ужпум пумен воштӥське ини, но мыным вӧсь кылыны кызьы удмурт кылосбуръя факульткетысь дышетскисьёс шуо таӵе выллем кылъёс: " Чтоб мон ещё магистратурае кыли, нее ни за что! ", "Мон дышетӥсьын-а ужало малпаськоды? Уг конечно, дядяе по связям умой инты шедьтоз ай мыным! Уг сюлмаськиськы " Тьфу! Уг валало студентъёс, кыӵе аспӧртэмлыко( уникальной) факультетын соос дышетско. Но таиз ни мукет юан.
         Мукет валтӥсь ужпумъёс - со уксёлэн интыез ( взятничество нимысьтыз). Саша Батыршин армилэсь пегӟыны тырше, но... солэн ӧз пӧрмы, угось коньдонэн ассэ "утьыны" турттэ вал, но зэмлык аслэсьтыз ужзэ лэсьтӥз.
         Но самой ненег мылкыд вал гурт эпизодъёс. Гурт - со выжы, вордӥсь, сюдӥсь. Гажамон луо егитъёс, кудъёсыз гуртэ кыстӥсько ас сюлэмзы ӧтемзыя.
         Но, мон понна "пузкар" - со самой со пузкар, кытын люкаськемын самой со "пузъёс", самой со мылкыдо адямиос, кудъёсыз тыршо, ужало пайда понна. Самой со удмуртлыкез валасьёс, утисьёс!

"Гурт клубын"

       Каллен эктонын экто Арина но Слава. Соос одӥг классын дышетскемын, кемалась ни ог-огзэс ӧз адӟе: 
С: " Ну, мар, Арина, ку бызёд ни?"
А :(ас понназ :"Пфф,будто ке мукет юан сётэмез уг луы!) Вот, Слава, кышно ваид ке ачид, поди мон но бызё!
С : " Валантэм..."
А: " Нырысь мон дышетсконме быдто, рос-прос уж шедьто, но собере бызён сярысь малпасько ни" : ) 
С : "Значит, карьеристка?
А: " Озьы луэ, зэм но..."



P.S. Европаын уг дырто ни - Удмуртъёс "кисьмамын" ӧвӧл на.

......................................СПОРТ................СПОРТ......................СПОРТ...................................................
         Туннэ мон пыриськи "Лыжные гонки" нимо ӵошатсконэ. Бызьылӥ куасэн яратоно факультетэ понна. Сочиын спортменъёслы ик кельшем потӥз, ява! Дистанцияме умой ортчи, коньковой но классика ходъёсын. Ӟигар заман быриз, малы ке шуоно дасяськеме чик но ӧй вал туэ понна. Но мон быгатӥ, пушкысьтым кужымме поттыса, яке улӟытыса финишозь вуи! Кылем арен ӵошатыса, умойгес бызьылӥ - туж шумпотӥсько!
         Табере сыӵе каньыл луиз, мылкыд ӝутскиз: азьлань но азьлань мынэм потэ, выль ужъёсты лэсьтэм но адямиосты шумпоттыны!

Сюанын.

       Толон 8-тӥ тулыспалэ сюанэз вал двоюродной агаелэн. Со вал ӟуч шӧмо: выездной регистрациен, чеберлыко юртын. Бен, со туж туала, но мыным ӧз тырмы узыр пуштросо мылкыд, куке егитъёслэсь юало яратонзы сярысь, юн малпаськизы-а соос ӵош улонэ выжон сярысь. Туж чаляк ортчиз со нырысетӥ люкетэз но дэмен калык выжиз ӝӧкъёс сьӧры. Жаляса верано, ӧй вал вортылонъёс 7 выжъёстӥ. Мыным потэ, та сямез одно ик чакланы кулэ, мон оскисько солэн кужымезлы.

       Ӝӧк сьӧрын: "Тырмытӥськом чаркаосмес!" - кеськиз шулдыр тамада. Вӧзам пукись пиосмурт но нылкышно юазы, тыныд лэзёно-а курытсэ шуыса. Мон вази : "Кулэ ӧвӧл." Таӵе верамелы нылаш паймиз:"Тон секытэн?" Нош мон: "Ӧвӧл!". "А, валамон, шуизы вал, одӥг нылкышно ми пӧлын секытэн шуыса. Мыным паймымон вал. Вот, адямиос паймо, уд ке юиськы, одно ик солы муг кулэ луыны. Адямиослэн дунлыкъёссы "бездэмын". Жаль.

       Тани шулдыр ӟуч крезьгур кырӟа. Небӟем калык позыръяське. Но, мынам пыдъёс эшшо но зол тапыртыны кутскизы, куке лэзизы удмурт кырӟан. Кызьы но медаз шуэ, но удмурт кырӟанлэн вань аслаз юн выжыез, кытысь потэ зэмос мылкыд. Эх, жаль 2 кырӟан гинэ шудӥз.

       Озьыен, мон малпанэ вуи, мынам сюанэ луоз удмурт. Мед ӝыныё ке но, но удмурт!

...Адямиос супыльтыны ярато.
    Кылсярысь, Антон шуг-секытэ сюриз. Азьло, ку солэн ваньмыз умой вал, со ветлӥз эшез доры. Туж шулдыр солы отын вал. Шутэтскиз, выль тодон-валан люказ, эшезлы визьмозэ, тунсыкозэ мадиз. Но дыр вуиз доре бертыны. Семьяез сое конечно туж витиз, мӧзмиз но ини. Антон дораз бертӥз, ваньмыз тупаз.
     Но малы ке но адямиос, кудъёссэ со ичи дыр ӵоже ӧз адӟы, воштӥськиллям. Ма луиз? Валаны уг луы. Дыр бурмытэ, шуо. Озьы ик вань. Но кинлэн ке мыдлань пӧрме - яра потэ =(
Нош Антон сак уг кариськы супыльтӥсьёс вылэ. Со улэ. Со шока чылкыт омырен, со кузьма шудзэ котырысьтыз адямиослы, со - огшоры. Со кылзэ сюлэмзэ, но куддыръя яке ӵем малпаськонэ усе.
    Нош кин супыльтэ, пе, со - ляб сямо. Ляб сямоослэн ик тазалыксы но ляб, нош соос шуо, куазь кезьыт, кынтӥськи - зэм ӧвӧл. Соослэн пушказы йӧ пуке.
    Уг яра супыльтыны. Пелез ворсано, шузи кариськоно. Супыльтыса пукод, нош укно сьӧрын шунды пиштэ, сое адӟытэк но кылёд! =)