...НЫРЫСЕТӤ ЯРАТОНЭЛЫ СӤЗЬЫСА...

Любовь ко мне пришла внезапно,
Когда мечтала о другом
Я нагадала на ромашке:
Ты был давно в меня влюблён.
Но может было это сказкой
Моей придуманной мечтой,
Что овладела вовсе мной,
Глаза закрыла пеленой...
Я по-другому стала думать:
И взгляд, и жесты, и слова...
Вонзились очень остро в душу,
Но не печалилась тогда.
И как предать могло ты, сердце?
Так скоро разлюбила я
Я глупою была, что не сказала
"Ты знаешь, я люблю тебя!"
Но время тихо пролетало
Судьба играла свою роль
Совсем не злую показала,
А бумерангом точно в "ноль"
И, оказалось, ты влюбился
И не в кого-то, а в меня.
То было шуткой? Нет, реально
Ведь сердце ранила стрела.
Стрела Амура, ты жестока?
Нет, кажется, ты так чиста.
Его букетик: милый, скромный...
Цепочка с сердцем - помню, как тогда...
Наверно, это было светлым мигом,
Самым прекрасным временем любви
Пусть, первая любовь наивна,
Но сердце греет капелькой тоски...

СЮРЕС

           Мынӥсько сюрес кузя огнам, аслам малпанъёсам. Просто потӥз вань люкаськем кӧт ӝожме быдтэме. Нош марлы мылкыд ӝож луэ. Малы ке шуоно, неудачаос улонын луо. Соос монэ но ярато кадь.
          Вамышъясько, вамышъясько. Велосипедэн ветлӥсьёслэн сюрестӥзы. Нош котырын одӥг улэп лул но ӧвӧл. Ялан дыртӥсь машинаос лобо бадӟым сюрес вылтӥ. Мед мынозы. Соос уг валало монэ, мынэсьтым сюлэм бугыръяськонъёсме. Мон ачим асэным. Мыным юрттэ наушникъёсын чузъяськись крезьгур, мӧзмыт, бӧрӟытӥсь... Но, ярам, "SuperУдмурты" кырӟан шудыны кутскиз. Мон сое воштыны нокызьы но уг быгатӥськы. Со кужым но сётэ, кадь.                       Шӧдӥсько, мӧзми ини мон удмуртъёслэсь. Секыт всё-таки кыдёкын, палэнын соослэсь улыны. Венгеръёс удмуртъёсыз уз воштэ. Яратӥсько но данъяськисько эшшо но золгес удмуртъёсын. Но со туж зол верамын. Со обобщить каремын. Удмуртъёс но угось 2 котретлы люкисько: 1) удмуртъёс, кудъёсыз валало но вӧлмыто удмуртлыкез, но 2) кудъёсыз удмурт кылын верасько ке но, туж ӵем верало, малы мыным та удмурт кыл шуыса, кинлы со кулэ?
А, оказывается кулэ. Тон ас анай кылдэ уд тоды ке, уд гажа ке, значит тон аслэсьтыд выжыостэ, астэ уд тоды, уд гажа. Самоидентифицировать огшоры астэ уд быгаты. Мон тани озьы уг быгаты. Иностранецэн но тодматскыку мон Россияысь шуыса гинэ уг быгатӥськы, мон Удмурт Элькунысь шуыса одно ик верасько, валэктӥсько кытын со, кызьы со герӟаськемын Венгриен. Со шонер, дыр, мед тодозы, кинъёс со - удмуртъёс.
         Али дыре эшшо но юн удмуртъёс сярысь кылӥськиз. Ну, кылсярысь, асьме удмурт нылашмы Олеся Полатова вормиз "Печоряночка" конкурсын. Со - ӟечок! Гажамон! Собере, удмуртъёс сярысь веразы "Камеди" маскара телепередачаын. Сокем ӟечен ӧз вералэ ке но, мыскылляса нырысь ик, отын вал 1 умой малпанэз: шуак ож кутскиз ке Удмурт элькунэн, а тон удмурт кылэз уд тодӥськы! Возьыт ӧвӧл-а? Бадӟым стимул - пожалуйста, дышеты. Вазиськы удмуртъёслы, соос лякыт сямоесь уг, юрттозы, дышетозы.
        Эшшо одӥг данъяськымон малпан вуиз на йырам. Этнография урокын дышетӥсьмы, мари нылмурт, мадиз, кызьы ӟучомо ини мари егитъёс. Туж жалямон, соос уг валало вуоно дыре, нылпиоссылы мари узырлыкез сётыны кулэ луоз шуыса. Эрзяослэн но озьы ик. Нош, пе, удмуртъёслэн шумпотымон, озьы ӧвӧл. Туж бадӟым вамыш лэсьтэмын. Удмурт луыны туэ, со - "тузӥ". Вань ини туала удмурт мода, крезьгур, сиён индустрия. Соку мыным сюлмам йӧтӥз, зэмзэ но,удмуртъёсын нырысетӥ котретысь луэ данъяськыны, пример соослэсь басьтыны....
       Удмурт темаез воштыса, шуисько:" Мон - шудо адями!" Пичи ченгешонъёсыз нокызьы но уд ӵошаты зэмос яратонэн, эшъяськонэн - ШУДЭН!. Со шуд мынам вӧзам- мусо эшъёсы, дышетӥсьёсы. Но кыдёкын но, озьы ик эшъёсы, дышетӥсьёсы, яратоно семьяе. Дыр вуэ ни, ӝоген ми луом ӵош!!! =)

*Нырысетӥ пумиськон*

           Будапешт. Покчиарня. 2 час уй. Трамвай.Позыръяськонысь берто 2 пияшъёс. Номыр тунсыкоез ӧвӧл, огшоры верасько куспазы венгер кылын. НО! Ӧжыт дыр ортчемъя соос кутско вераськыны ӟуч кылын (аха, будто нокин соосты уз вала, не тут то было). Соку зэмлык кыре потӥз. Одӥгез пыкылыны кутскиз мукетзэ: "Тон чупаськид соин? Со блондинэн яке кинэн? Тӥляд кусыпъёсты азьланьтӥськозы яке уз?" Со вал чылкыт вожан. Нош "обвиняемой" шыпыт гинэ юанъёслы ответъёссэ вераз. Жаляса верано, тодмо ӧй вал, кин соос пӧлысь вал "кышно".
       Яратон - со Будапештын но яратон. Чагыр ке но.

Нырысетӥ лымы

Туннэ, 25тӥ шуркынмонэ, Будапештын усиз нырысетӥ лымы! Со туж бадӟым шуд :) Мылкыд ӝутскиз, тӧлыз зол ке но пельтӥз. Зато мон нырысьсэ понӥ выль басьтэм беретме. Тол дӥсь комплектэ быдэсак дась табере, кылиз на лымылы уногес музъем вылэ усьыны.
Дыр но ӝоген вуоз Россие бертыны. Шӧдӥське ни, уйвӧтам туннэ семьяме адӟи угось. Эшшо мон туннэ учки "The Words" фильм. Со одӥг гожъяськись сярысь, кудӥз пӧяса поттӥз романзэ. Но со роман гожтэмын вал мукет адямиен. Но мон та киноез учки, отын Бен Барнс шудэ шуыса. Солы мон пичи синмаськи "Портрет Дориана Грея" фильмез учкыса. Но та ини мукет верос...

Pro Mentalitet

Куддыръя чиданлык уг тырмы Удмуртиысь пияшъёслэн "ӟуч" менталитетзылы - мукет термин уг шедьтӥськы. Нылашэн кусыпъёс лэсьтыку, кылсярысь. Пияшлы верало: "Тынад нылашед пӧяз тонэ, со мукет сямен лэсьтӥз, кариз сое, мар сярысь кыл но ӧз потта". Но пияш одно ик оске - та возьматэ, пияшлэн сямыз ляб шуыса, огшоры вераса, со - слабак. Пияш яратэ ке нылашсэ, со кулэ одно ик оскыны солы, нош мултэс вераськонъёсты лыдэ басьтыны чик но кулэ ӧвӧл.

Кыкетӥ малпанэ: пияш туж ӝог "кисьма". Кутске вераны ненег, конял кылъёс, кызьы со яратэ нылашсэ, всё бесповоротно! Яратон, зэмзэ вераса, шуак уг вордӥськы. Солы кулэ дыр. Трос адямиос дунне вылын сурало яратонэз кельшон шӧдонэн(яке влюблённостен). Кыкетӥез мылкыдэзъя капчигес, лякытгес. Со калленэн ортче. Нош зэмос яратон кужмо луэ, со - даурлы. Соин ик, яратоно лыдӟисе, ӧн дырты лэсьтыны шаплы йылпумъянъёс, рос-прос малпаськы, сюлэмдэ сак кылзы.

Куинетӥ малпанэ: налаш пияшлы эш луыны быгатэ. Малы уг яра. Соосыз герӟало одӥг кадь тунсыкъяськонъёс, соос ог-огзылэсь сэлэмшугъяськонъёссэс тодо, соос ортчыто ӵош дырзэс, верасько, серекъяло - со уг сыӵе мусо но огшоры. Эшъяськон - со одӥг самой дуно маке. Эшъёс уг котьку но юрттозы, кенеш сётозы, шуныт кылэн вешалозы. Кышкытэз ӧвӧл, эшъяськон пияш но нылаш куспын улэ ке. Мыным потэ, со - нормальной явление.

P.S. "Ӟуч" менталитетэз пияшъёслы одно ик турттоно воштыны. Соку, оло, семьяоссы но шудогес , юнгес луозы.

Та пияшлэн пушдуннеез, менталитетэз явно выли дунлыкъёс вылэ пыкиське!

...Мон вань сюлэменым яратӥ та Будапештэз! Татын гань-гань улон мынэ. Та Европа. Уг, али но уг оскиськы ай. Куинети толэзь мынэ ини. Мон тодӥсько kicsit венгер кылэз. Мыным кельше сое дышетыны. Малы уд дышеты?? Со уг нош ик вылӥ тубат вылэ выжон. Адями со понна кылдэмын - азинскыны. Сыӵе данъяськон тулкым тонэ басьтэ, куке валаськод пичи ке но, мар сярысь зулё дортӥд ортчись адямиос, пальпотӥськод...Венгер кылэз ми дышетӥськом "йӧскалык" группаын. Малы озьы шуисько - дуннелэн пӧртэм палъёсысьтыз вуэмын студентъёс со группаямы (Словения, Бразилия, Латвия, Испания, Канада, Мексика). Милемыз огинэ люказ венгер кыл. "Тау" солы.
Адямиос та кунын лякыт сямоесь, как ни крути. Шӧдӥське бадӟым пӧртэмлык ӟуч калыклэсь. Венгеръёс извиняться каро номыр уродзэ лэсьтытэк но мукетэзлы. Куке Ижкарын яке Омскын сыӵе учыр дыръя "вождэз ӧн вае" но уз вералэ=( Венгер адямиос уг кильтыръясько: банкын ужась тон яке выж миськись. "Тау" вераны зарнизы уз кисьтӥськы ымысьтызы, сю пол но вералозы, главное сюлмысь мед потоз со таукарон.
Будапешт - со зэм но ЗЫН кар. Улон интытэк адямиос( бомжъёс) оглом вераса трос. Автобусэн но соос быгатозы ворттылыны. Благо, кондукторъёс татын ӧвӧл, лек синъёсын уз учке тон шоры но уз куре коньдондэ. Бомжъёс изё урамын, вузкаронниос вӧзын ик, переходъёсын, метро палан- отын ялан шуныт. Соин ик паймоно ӧвӧл, асфальт вылысь котырес вупукылъёсыз адӟид ке.=)
Татын калык бызьылыны яратэ, велосипедэн ветлэ. Социальной статус валтӥсь чик но ӧвӧл. Кылсярысь, офисын ужась воргорон ветлэ велосипедэн, огшоры, капчи мылкыдын. Солы по-барабану мар малпалозы азяз сюрись адямиос. Солы аслыз умой но всё. Но сыӵе ваньлыклэсь котырысьтыз арбериос, адямиос озьы ик тырмо шудэн, шумпотонэн. Капчи татын.
Куазез татын но шузи. Туннэ - шунды , ӵуказе - зор. Пурысь бус вӧлске Дунай вылэ.Но со суред пыӵатэ тонэ мистической, вашкала, готической шӧмен. Котькуд адямилэн со шӧдонэз аслаз. Али шуркынмонэ зэмзэ но куазь пурысь ке пурысь ини. Смоген бырем Лондонын кадь астэ шӧдод, тамак зыно Прагаын но. Нош венгеръёс куазез валасьтэм муртъёс кадь выро, асьсэлэн дуннеязы, а мар-а уло. Тани пияш ортчиз шортикен но футболкаен, тани кышномурт мынэ леопард шубкаен но тол сапеген=) Уд вала соосты.Нош соос уг валало,дыр, кыӵе амалэн дӥсяськоно. Видимо, Россие ӧз вуылэ на.
Будапешт сярысь веран пумтэм-йылтэм кыстӥськыны быгатоз. Туннэлы тырмоз=).

1 шуркынмон. Вот и кутскиз нуналмы Прагаын.Ӵукна вазь ик султӥм, комнатаямы пӧсь - толалтэ дыръя кадь эсто. Ну сое луэ валэктыны, куазез но кезьытгес шуыса, Будапещтэн ӵошатыны ке. Мон ӧй витьы вал хостелмы "сыӵе" луоз шуыса: общежитие выллем, тамак зын коридорын, малы ке шуоно кухняын ик кыско, отын ик сяськаос сыло, жаль потӥзы соос мыным. Ярам, комендант умой кышномурт вылэм: валэктӥз, кызьы центрозь мыныны.
Озьыен, вуимы центре. Татын обычно кутско экскурсиос. Калыкез уно, ваньзы туристъёс.Одӥг нунал куспын 5000 котыр люкасько,дыр, соос. Милям вал индивидуальной экскурсия ӟуч гидэн, со пыр-поч валэктӥз вань синпелетъёсты, интыосты, кудъёсыз сюризы пумитамы.
Ваньзэ соосты вераны дыр уз тырмы, малпасько. Соос Прагаын туж-туж трос, но кудӥз-огез сярысь верало.
Татын вань Йӧскалык Музей(туж вашкала), но жаляса верано, пыраны ӧм быгатэ - 2016 арозь со ремонтын. Площадьёс пӧртэм дано адямиослэн нимынызы, озьы ик урамъёс. Коркаос нимысьтыз пусъёсын, кылсярысь, сапег суредамын - со возьматэ, та коркан сапег лэсьтӥсь мурт улэ вал шуыса. Сюрес урамъёсын брусчаткалэсь, со озьы ик улэ, асфальт вылаз уг кисьто. Пражский Град - азьло улэм корольёслэн замокъёссы, библиотека, крепостьёс. Туж но туж кельшиз Святой Витлэн Соборез! Со ӝужыт, готической стилен лэсьтэмын, вашкалаез адӟиське сьӧд буёллэсь, кудӥз ке тузон кадь кылле. Но со материалэз дыр куспын чырсам кадь луэм. Готика сяна, синпелетъёс лэсьтэмын барокко, рококо стилен. Паймоно, соос ог-огенызы уг керето шуыса. Малы ке шуоно, одӥг интыын ваньзэ "уло". Кыкетӥ денне ожын Прагаез ӧз "исалэ", со понна но вуж зданиос али но сыло, вашкала историез пушказы утьыса. Эшшо самой вашкалаез со Карллэн выжез (Карлов мост). Сое пуктыны кутскем ачиз Карл король 15 даурын.
Та выж вылын ог 30 синпелетъёс сыло. Куинь вамыш лэсьтӥскод, бур но паллян палан синпелет шӧде=) Азьлань выж палась мынӥськод нош ик выль башня сылэ...
Прагалэсь чеберлыксэ "юыны" йылтэм-пумтэм быгатоз котькуд турист. Котьку но выль сямен тон усьтод солэсь пушдуннезэ - со уте туж узыр историез. Мыным но чик ӧз тырмы одӥг нунал куспын Прагалэн чеберлыкез. Но, малпасько, кыкетӥ пол одно ик лыкто на та бусо, лушкес каре...

Сюресчилэн гожтэтъёсыз.

31 коньывуон. Ми мынӥськом Чехие. Ура! Шоркараз - Прагае. Мон туж шумпотӥсько, туж чебер карез адӟо шуыса. Но, ваньмыз вӧйын зырам кадь уг ортчы :) Кызьы приключениостэк! Будапештысь потыса, ог час котыр ортчыса, автобусмы дугдӥз. "Мар луиз, малы сылӥськом?" - юало ваньзы. Асьмелэн автобусмы машинаез пичияк донгем. И всё! Табере полициятэк уж уз сэрттӥськы ни. Но полиция вуэм бере, вань пассажиръёс потӥзы кыре. Табере ваньзылэсь пасспортъёссэс люкаса даннойёсты гожъяло. Мда... асме "Форсаж" киноын кадь шӧдӥсько, кудӥз ке ӵапак автобусын телевизортӥ мынэ вал. Ну, мар со, бӧрдыны уг яра та пумысен - улонын марзэ но уд адӟы.
Я, бен, ужпум йылпумъяськиз,  пыримы берен автобусэ, пуксимы интыосамы...Ноку но ӧй малпа вал, палинкаез - венгер водкаез, татын, Чехие мынӥсь автобусын шӧмъяло шуыса. Но со озьы пӧрмиз :) Кык небӟем венгер пиос пӧлысь одӥгез куноятыса палинкаен ветлӥз автобус кузя. "Мынам дедуше выре вино лэсьтон уж бордын" - шуиз со. Ну, мон веръяй винолэсь лэсьтэм палинкаез. Туж ик курыт ӧз поты: небыт, но шунтӥсь. "Тау" шуи пияшлы. Нош Прагае сюресмы азьланьтӥське (каллен).

Нырысетӥ синмалпанэ Венгрия сярысь.

Нырысь ик каре пырыку син азе йӧтӥзы мукет коркаос, писпуос - выжыкылын кадь. Соос бадӟымесь но ӧвӧл, но яркытэсь. Самой выжыкыл, мукет дунне.
Адямиос - котьку но пальпотӥсесь, нокытчы уг дырто, уло асьсэлэн дыразы. Урамын соос тачак. Шып улыса уг кыллё, ярато зульыны, но уг керпото солэсь.Вылтуссыя пӧртэмесь ке но: я сьӧд куо, я весчи синмо, я лыз синмо, я ӝужыт мугоро - ваньзы ялан верасько венгер кылын.
Нимаз нылкышноосыз но воргоронъёсыз чаклано ке, нырысь ик синйылтӥ, воргоронъёс тузӥесь шуыса. Соос тодо асьсэлэсь дунзэс. Но вань мукет но котрет ( группа), кудаз пыро неформальной, мукет тунсыкъяськонъёсын пияшъёс. Соос нулло дредыос йырсиосазы, тату мугор вылазы, но аспӧртэмлыко дӥськут.
Нош нылкышноос пӧлын чеберез но шушез но вань. Тросэз каблуктэк ветло, мыл потэмзыя дӥсясько. Нош мӧйы кышномуртъёс асьмеосыныз ӵошатыса чеберлыксэз валало но утё, кылсярысь, буясько, весьёс, пельугыос нулло. Вань сыӵеосыз но, кудъёсыз модной лосиныос дӥсяса ветло. Ӵем дыръя синйылтоно нылкышноосыз тамакен. Но венгер кышноосыз со тамак чик но уг сапта оглом туссыя, соос быгато чебер асьсэдыс возьыны.
Огъяулонни - ELTEын со кельше Ижкарысь улон интыелы. Озьы ик вань вахтёръёс, комендант но конечно же студентъёс. Мар тунсыко потӥз, тодмо-а тон, ӧвӧл-а, но ваньзы ӟечбуръясько татын тонэн. Ӟечокъёс соос, лякыт сямоесь.
Будапешт сярысь йылтэм-пумтэм гожъяны луэ, соин ик таин пока йылпумъясько :) 

Будапештэ выжи!

Мон кошкисько...

Ма муген, кин доры, кыӵе дырозь

Малпалоды асьтэос.

Мон - кужмо, тодӥсько,

Но кужым - со ӧвӧл даурлы,

Сое выльысь кулэ малпаны, выльдыны, люканы.

Со понна, дыр, али кошкисько,

Яке куар усьыку мон куто

Но кошко far away...

Кин ке но чик уз вала,

Соку ик монэ либатоз, кысталоз но ӵектоз

Туж юн малпаськыны.

Тодыны,

Тӥлесьтыд кужымдэс валаны мон уг быгат,

Со понна мон - мукет,

Вормонъёс, выль ужъёс но эшъёс витё азьланьын,

Со понна - воштӥсько,

Со понна - кошкисько.